Yn ystod y tymor nesaf bydd eich plentyn yn cael cyfle i wneud penderfyniadau ynglŷn â’r pynciau y maent am eu hastudio ym Mlwyddyn 10 ac 11.

Yn ystod y cyfnod yma bydd y disgyblion yn gwneud ymarferion mewn gwersi tiwtorial i’w galluogi i ddod i adnabod eu hunain yn well ac i ddarganfod o ble i gael cymorth a gwybodaeth berthnasol am yrfâu a dewisiadau.

Mae’n rhaid i bawb astudio’r pynciau (craidd) canlynol: Cymraeg, Saesneg, Mathemateg, Gwyddoniaeth, Addysg Grefyddol a Chymhwyster Bagloriaeth Cymru.  Mae’r cwricwlwm ym mlwyddyn 10 wedi’i gynllunio fel bod gan bob disgybl yr hawl i ddewis tri phwnc ychwanegol i’r pynciau craidd.

Gobeithio bydd gwybodaeth ‘Llwybrau Dysgu 14+’ ar y wefan (http://bit.ly/llwybrau-dysgu-14) â’r Noson Opsiynau Blwyddyn 9 ar 14/3/19 am 6 o’r gloch o gymorth i chi wrth wneud eich penderfyniadau.  Mae rhestr o’r pynciau opsiwn wedi’i chynnwys gyda’r llythyr hwn er gwybodaeth i chi wrth ddewis pynciau.

Bydd yna gyfle yn y Noson Rieni ar nos Iau, Mawrth 21^ain i drafod gydag athrawon cyn gwneud y dewis terfynol.